Кіраўнік Еўракамісіі - прэм'еру Венгрыі: Прывітанне, дыктатар

Жан-Клод Юнкер пажартаваў над прэм'ер-міністрам Венгрыі Віктарам Орбаном, назваўшы яго «дыктатарам»

Пра гэта паведамляе rus.DELFI.ee.

Жан-Клод Юнкер вітаў Віктара Орбана, які прыехаў на саміт у Рызе, словамі «Прывітанне, дыктатар». Паводле слоў прысутных пры гэтым журналістаў, яны не змаглі пачуць, ці адказаў нешта венгерскі прэм'ер на гэта.

Прадстаўнікі кіраўніка Еўракамісіі, у сваю чаргу, паведамілі, што не чулі, што сказаў Жан-Клод Юнкер.