На Канскім кінафестывалі паказалі фільм, цалкам зняты на iPhone
3- 23.05.2015, 18:43
- 9,416
На 68-м міжнародным кінафестывалі ў Канах адбыўся паказ крымінальнага трылера «Вылет» (Departure), цалкам знятага на iPhone.
Здымкі гэтага кароткаметражнага фільма праходзілі ў Беларусі, Лос-Анджэлесе і Парыжы. Адным з трох рэжысёраў фільма выступіла беларуска Марыя Курачова. У 2011 годзе яе праца «Сны аб парусах» здабыла галоўны прыз першага фестывалю мабільнага кіно velcom Smartfilm 2011 у катэгорыі PRO, пішуць «Белорусские новости».
Разам з Марыяй Курачовай рэжысёрамі фільма «Вылет» сталі заснавальнік iPhone Film Festival Рубэн Казанцаў і Саці Гасет, сын вядомага амерыканскага актора, уладальніка прэміі «Оскар» Луіса Гасета-малодшага.
Са здымачнага абсталявання рэжысёрам спатрэбіліся iPhone 4s і дадатак FiLMiC Pro.
Хоць праца над стужкай «Вылет» была скончаная задоўга да Канскага фестывалю, стваральнікі не адпраўлялі яе на іншыя кінаконкурсы, каб адпавядаць эксклюзіўнаму статуту паказу ў Канах.
