Калапс на беларуска-літоўскай мяжы: беларусы паціснулі ў «Акропаліс» па збаўкі

Каб трапіць у суседнюю краіну, даводзіцца адстаяць у чарзе па 7 гадзін.

У рэдакцыю ru.DELFI.lt звярнуўся чытач Арунас, які ўжо 7 гадзін стаіць на беларуска-літоўскай мяжы, у Лаварышках (Катлоўка).

«Чарга практычна не прасоўваецца, тут шмат літоўцаў, дзяцей. За 7 гадзін я праехаў 40 м. На беларускім баку ўсё ладам, праблемы на літоўскім - ім няма куды нас упусціць. Беларусы кажуць: «Літоўцы не працуюць». Мы не ведаем, што рабіць, знаходзімся за шлагбаўмам на беларускай тэрыторыі, у Літве на тэлефанаванні ніхто не адказвае», - скардзіўся чытач DELFI.

Ён згадаў, што гэтым маршрутам ездзіць практычна раз на два тыдні, аднак з такой непавагай сутыкнуўся ўпершыню.

«Зазвычай я пераадольваў гэты адцінак за 8-10 хвілін, максімум 30. Я разумею, што субота, едзе шмат беларусаў, але гэта поўнае ігнараванне», - абураўся Арунас.

Дзяжурны Службы аховы дзяржаўнай мяжы Вітаўтас Маркяліс сказаў, што затор ля мяжы ўтварыўся таму, што ў Літву цяпер едзе вельмі шмат людзей.

«Усе беларусы цяпер едуць у Akropolis - вялікія акцыі (у гэтыя выходныя праходзіць акцыя Jamam - рэд.), шмат аўтобусаў, таму і склалася такая сітуацыя. Ёсць, як ёсць. Усё працуе добра, толькі вялікая плынь людзей», - сказаў ён.

Паводле ягоных слоў, такія заторы ўтвараюцца кожныя выходныя, з набліжэннем лета плыні толькі павялічваюцца, аднак праблем Маркяліс не бачыць.