Немцы сабралі арган з 49 дыскаводаў і дэталяў, надрукаваных на 3D-прынтары
2- 24.05.2015, 14:00
- 3,160
Моладзевы гурток у Нямеччыне сабраў арган з флопі-дыскаводаў з дапамогай частак, надрукаваных на 3D-прынтары.
Інфармацыя апублікаваная на сайце гуртка, піша N+1.
Арган ствараўся тры месяцы, у канструкцыі выкарыстаныя 84 пластыкавыя дэталі, атрыманых пры дапамозе 3D-друку. На аргане можна граць пры дапамозе MIDI-клавіятуры або прайграваць зараней запісаныя трэкі.
Спецыфічны гук флопі-дыскаводаў, якіх у аргане 49 штук, часта выкарыстоўваецца майстрамі ў якасці музычнага інструмента.
Гурток Toolbox Bodensee e.V. - некамерцыйная арганізацыя для зацікаўленай моладзі. Гурток спецыялізуецца на інфармацыйных тэхналогіях і электроніцы, у тым ліку праводзіць майстар-класы 3D-друку.
