Астранаўт зняў з ілюмінатара МКС дзіўны зорны пейзаж

Амерыканскі астранаўт Тэры Віртс, які знаходзіцца на борце Міжнароднай касмічнай станцыі, апублікаваў новы ролік.

На ім ён паказаў звычайным зямлянам тое, што бачыць па начах з ілюмінатара свайго касмічнага дома, піша onliner.by.

У кароткім роліку можна ўбачыць абсалютна сюррэалістычны выгляд Зямлі, над якой МКС праносіцца з хуткасцю прыкладна 17000 міль на гадзіну. «Пейзаж» уключае ў сябе як мноства яркіх зорак, так і імклівых зменлівых агнёў на планеце.

Тэры Віртс знаходзіцца на борце МКС з лістапада 2014 года. Ён і ягоная каманда Expedition 43 павінны былі вярнуцца на Зямлю яшчэ 13 траўня, але праз тое, што беспілотны касмічны грузавік «Прагрэс М-25 М» не змог паспяхова састыкавацца з МКС, вяртанне амерыканцаў было перанесенае на чэрвень. Сам Тэры адрэагаваў на гэта аптымістычна, напісаўшы ў тым жа Twitter нататку: «Вельмі рады застацца!»

Улічваючы, што з ілюмінатара касмічнай станцыі можна любавацца такімі прыгажосцямі, гэта не дзіўна.

Крыху больш за тыдзень таму Тэры апублікаваў відэа яшчэ адной цікавай з'явы - паўднёвага ззяння над Аўстраліяй.