Генеральны сакратар АБСЕ і дырэктар БДІПЧ наведаюць Беларусь
4- 27.05.2015, 16:25
- 9,797
Візіт адбудзецца 15-16 чэрвеня.
Генеральны сакратар АБСЕ Ламберта Заньер і дырэктар Бюро дэмакратычных інстытутаў і правоў чалавека (БДІПЧ) АБСЕ Майкл Георг Лінк плануюць наведаць Беларусь. Як паведамілі БелаПАН у прэс-службе БДІПЧ АБСЕ, візіт намечаны на 15-16 чэрвеня, праграма пакуль удакладняецца.
Аб падрыхтоўцы візіту прадстаўнікоў АБСЕ паведаміў у нядаўнім інтэрв'ю The Washington Post міністр замежных спраў Беларусі Уладзімір Макей. Ён таксама выказаў упэўненасць у тым, што Цэнтрвыбаркам запросіць назіральнікаў ад БДІПЧ АБСЕ на прэзідэнцкія выбары, якія адбудуцца ўвосень гэтага году.