Беларусь дагэтуль не пастаўляе нафтапрадукты ў РФ
- 27.05.2015, 19:04
- 35,897
Беларусь да сёння не аднавіла пастаўкі нафтапрадуктаў у Расею.
Пра гэта заявіў намеснік старшыні канцэрна "Белнафтахім" Ігар Бабыр, піша "Інтэрфакс".
"Пакуль мы не пастаўляем (нафтапрадукты ў РФ - рэд.). Пастаўляем тады, калі гэта выгадна для прадпрыемстваў Беларусі, для Рэспублікі Беларусь", - сказаў Бабыр на прэс-канферэнцыі ў сераду ў Менску.
Пры гэтым ён адзначыў, што скарачэння паставак нафты з Расеі няма. "Пачнецца даслоўна днямі дзейнасць для дамоўленасці з расейскай стараной аб пастаўках нафты на 2016 і далейшыя гады", - паведаміў прадстаўнік канцэрна.
"Будзе ўсё добра", - запэўніў І.Бабыр.
Як паведамлялася, Беларусь у сакавіку прыпыніла пастаўку нафтапрадуктаў у Расею. У студзені-лютым рэспубліка выканала свае абавязанні ў пастаўках нафтапрадуктаў у РФ - было экспартавана 140 тысяч тон бензіну.