Бэльгія закрыла паветраную прастору
- 27.05.2015, 19:40
- 29,087
Бэльгія закрыла сваю паветраную прастору праз праблемы ў сістэме кантролю над рухам самалётаў (Belgocontrol).
Праблемы паўсталі пасля адключэння электраэнэргіі ў сераду раніцай, паведамляе «Еўрапейская праўда» са спасылкай на DH.be.
Амаль 150 рэйсаў былі скасаваныя або перанакіраваныя ў іншыя краіны. Праз перанос рэйсаў пацярпелі блізу 20 тысяч пасажыраў.
Паветраную прастору Бэльгіі часткова адкрылі а 14.00 паводле мясцовага часу, што абумовіла аднаўленне блізу 20% руху.
Цяпер сістэма Belgocontrol перазагружаецца і аб'ём перавозак будзе паступова аднаўляцца.
Першы самалёт, які вылецеў сёння з Бэльгіі, накіраваўся ў Нью-Ёрк. Цяпер прыярытэт маюць рэйсы на адпраўку, а потым самалёты, якія павінны прызямліцца.