Журналіст Кара-Мурза ўведзены ў стан штучнай комы
11- 28.05.2015, 12:32
- 15,608
Уладзімір Кара-Мурза-малодшы знаходзіцца ў цяжкім стане, ён уведзены ў стан штучнай комы.
Са слоў бацькі, журналіст пакуль знаходзіцца ў стане медыкаментознага сну для таго, каб не дапусціць пашкоджання мозгу, паведамляе радыёстанцыя «Говорит Москва».
«Усю ноч ён праспаў, таму што ў яго пакуль не выведзеныя таксіны. Яго нельга абуджаць, таму што мозг пацерпіць. Так што ён пакуль у медыкаментозным сне. Кормяць яго праз нос глюкозай. Я зараз еду да яго», - паведаміў Уладзімір Кара-Мурза-старэйшы.
Раней галоўны лекар бальніцы, у якой знаходзіцца журналіст, сказаў, што «гаворка ідзе з вялікай верагоднасцю аб сур'ёзным панкрэатыце, магчыма, аб двухбаковай пнеўманіі», піша «Интерфакс».
Як стала вядома, у шпіталізаванага журналіста Уладзіміра Кара-Мурзы лекары дыягнаставалі вострую нырачную недастатковасць.