Пуцін засакрэціў звесткі пра страты сярод вайскоўцаў у мірны час
25- 28.05.2015, 12:51
- 10,738
Уладзімір Пуцін аднёс да дзяржаўнай таямніцы звесткі аб стратах сярод вайскоўцаў.
Адпаведны ўказ прэзідэнта РФ апублікаваны на афіцыйным партале прававой інфармацыі, паведамляе Lenta.ru.
Тым жа ўказам Уладзімір Пуцін аднёс да сакрэтных звесткі аб асобах, якія вывучаюцца спецслужбамі і праваахоўнымі органамі ў інтарэсах прыцягнення іх да супрацоўніцтва на канфідэнцыйнай аснове па лініі разведвальнай, контрразведвальнай ці іншай аператыўна-вышуковай дзейнасці. Раней засакрэчвалася толькі інфармацыя пра асоб, прыцягнутых або якія прыцягваліся да такога супрацоўніцтва.
Папраўкі ўнесены ва ўказ прэзідэнта Барыса Ельцына нумар 1203 ад 30 лістапада 1995 года «Аб зацвярджэнні пераліку звестак, аднесеных да дзяржаўнай таямніцы». Раней дзяржтаямніцай лічыліся звесткі пра страты асабовага складу толькі падчас вайсковых дзеянняў.
