Аляксандр Турчынаў: Баі на Данбасе могуць перарасці ў паўнавартасную кантынентальную вайну
4- 28.05.2015, 16:39
- 9,477
Аднаўленне актыўных баявых дзеянняў на ўсходзе Украіны з боку Расеі можа прывесці да пачатку кантынентальнай вайны.
Пра гэта сакратар Рады нацыянальнай бяспекі і абароны Украіны Аляксандр Турчынаў заявіў падчас 8-га Кіеўскага форуму ў бяспецы ў чацвер, паведамляе "Інтэрфакс-Украіна".
"Трэба дакладна разумець: калі адновяцца баявыя дзеянні, то гэта будзе на больш высокім і небяспечным узроўні, гэтыя ваенныя дзеянні могуць перарасці ў паўнавартасную кантынентальную вайну", - сказаў Аляксандр Турчынаў.
Ён падкрэсліў, што Расея прадаўжае назапашваць узброеныя сілы на мяжы з Украінай і ў Крыме, каб ліквідаваць Менскія пагадненні і пачаць баявыя дзеянні ва ўсякі зручны момант.
Раней Турчынаў таксама заяўляў, што Пуцін спрабуе схаваць наўпроставы ўдзел вайскоўцаў РФ і страты, якія яны панеслі ў вайне супраць Украіны на Данбасе.