Валютны даход прадпрыемстваў РБ у студзені-красавіку ўпаў на 23%
- 28.05.2015, 20:41
- 2,431
У студзені-красавіку 2015 паступленне валютнага даходу на рахункі прадпрыемстваў РБ склала $10,608 млрд, што на 23% менш, чым у студзені-красавіку 2014 года.
Аб гэтым паведамляецца ў статыстычнай справаздачы Нацыянальнага банка, піша АФН.
У красавіку валютны даход знізіўся на 1,1% да папярэдняга месяца і на 18,9% да красавіка 2014 да 2,865 млрд.
У сваю чаргу плацяжы за імпарт у студзені-красавіку склалі $9,5380млрд, знізіўшыся на 28,2% да аналагічнага перыяду 2014 года.
У красавіку плацяжы за імпарт знізіліся на 2,6% да папярэдняга месяца і знізіліся на 26,4% да красавіка 2014 года і склалі 2,578 млрд.