Украіна заклікала ЕЗ падзяліць «Усходняе партнёрства»

Прадстаўнік Украіны пры ЕЗ мяркуе, што Брусэль павінен дыферэнцаваць стаўленне да розных удзельнікам ініцыятывы.

Пра гэта ён заявіў на 8 Кіеўскім форуме ў бяспецы ў пятніцу, паведамляе «Інтэрфакс-Украіна».

«Па-першае, мы можам забяспечыць палітыку дыферэнцыяцыі ў рамках «Усходняга партнёрства». Мне здаецца, што пара аддзяліць гэтыя тры краіны (Грузію, Малдову і Украіну) ад Арменіі, Азербайджана і Беларусі», - сказаў ён.

Ён адзначыў, што такая спроба была на Рыжскім саміце. «У нас была ўзгодненая трохбаковая заява ў кішэні», - сказаў Елісееў.

Акрамя таго, ён уважае за неабходнае аднавіць рэгіянальнае супрацоўніцтва паміж гэтымі трыма краінамі, прынамсі, адрадзіць ГУАМ (Грузія, Украіна, Азербайджан, Малдова). «Мы павінны аднавіць нашы транспамежныя сувязі і быць больш жорсткімі ў адстойванні нашых нацыянальных пазіцый на міжнародных форумах, такіх як АБСЕ, Рада Еўропы, ААН і іншыя», - заявіў Елісееў.

Як вядома, на Рыжскім саміце «Усходняга партнёрства» 21 траўня Беларусь і Арменія адмовіліся асудзіць анэксію Крыма Расеяй.