Расея забараніла імпарт рыбы з Латвіі ды Эстоніі
18- 29.05.2015, 20:42
- 40,697
Расея ўводзіць забарону на імпарт рыбнай прадукцыі з Латвіі ды Эстоніі.
Пра гэта паведамляе ТАСС са спасылкай на прэс-службу Рассельгаснагляду.
Са слоў прадстаўніка ўстановы, забарона ўводзіцца праз нейкія сістэмныя парушэнні, дапушчаныя эстонскімі і латвійскімі пастаўнікамі. Характар гэтых парушэнняў у Рассельгаснаглядзе не ўдакладнілі, перадае BBC.
Латвія ды Эстонія ўваходзяць у Еўразвяз, у сувязі з чым мінулым летам яны ўжо трапілі пад уведзеныя Расеяй абмежаванні на імпарт шэрагу прадуктаў. Расейскія санкцыі закранулі ў тым ліку пастаўкі рыбы, аднак дагэтуль не тычыліся рыбных кансерваў.