Акунін аб расейскіх навінах: Доўга гэтая лухта трываць не можа
13- 30.05.2015, 16:09
- 70,873
Праміне не так шмат часу, і на пытанне "што гэта з вамі было?" расейскія журналісты будуць пыкаць-мыкаць і хаваць вочы, мяркуе расейскі пісьменнік Барыс Акунін.
Расейскі пісьменнік Рыгор Чхарцішвілі (Барыс Акунін) мяркуе, што лухта, трансляваная расейскай тэлевізіяй, доўга трываць не можа. Пра гэта ён напісаў у сваім "Фэйсбуку".
Са слоў Акуніна, пасля працяглага перапынку ён паглядзеў інфармацыйнае выданне на расейскім тэлеканале, пры гэтым прагляд выклікаў у яго "не прадчуванне апакаліпсісу, а зусім наадварот".
"Раптам здалося, што доўга гэтая лухта трываць не можа. Праміне не так шмат часу, і мы будзем пытацца ў іх:"Хлопцы, што гэта з вамі было?", а яны будуць пыкаць-мыкаць і хаваць вочы", - напісаў ён.
У выданні, са слоў пісьменніка, шмат казалі пра Украіну, аб тым, што яна "поўны банкрут", што "ўсіх хоча ашукаць, у тым ліку Захад", а "аўтарытэтныя ўкраінскія экспэрты", аб якіх ён ніколі не чуў, асуджалі "палітыку Парашэнкі".
"Потым была навіна пра Расею: няўхільна расце боегатовасць расейскага войска, праводзяцца манеўры, танкі страляюць, ракеты лётаюць, Шайгу рапартуе. Далей, напэўна, пайшло б пра "земляробы Кубаншчыны засыпалі ў засекі Радзімы" і пра "нявесела простым амэрыканцам", але я наважыў, што досыць", - напісаў Акунін.