Пад Горкамі гарыць 300 тон саломы

Прычынай пажару мог стаць падпал.

Амаль 300 т прэсаванай саломы гарыць пад Горкамі. Моцнае задымленне звярнула на сябе ўвагу за некалькі кіламетраў на пад'ездзе да населенага пункта. Зарыва агню і дыму ўразіла сваімі маштабамі, калі атрымалася пад'ехаць бліжэй да месца здарэння. Гарэлі некалькі велізарных стагоў, складзеных з цюкоў прэсаванай саломы. Здзівіла бестурботнасць кіраўніцтва гаспадаркі ААТ "Горацкая райаграпрамтэхніка", якая размясцілі салому ў непасрэднай блізкасці ад жывёлагадоўчага комплексу - літаральна ў 10 м ад плота, паведамляе БелТА.

Са слоў ратавальнікаў Гарэцкага РАНС, гаспадарцы пашанцавала, што вецер дзьме ў адваротны бок, інакш усё магло б скласціся значна горш - існавала рэальная пагроза перакідвання агню і ўзгарання гаспадарчых памяшканняў. На гэты момант пажар лакалізаваны. Уздоўж яго перыметру выстаўленыя тры дзяжурныя пажарныя разлікі, якія сочаць за тым, каб агонь не распаўсюджваўся далей.

Паводле аператыўнай інфармацыі, узгаранне адбылося блізу 12 гадзін дня. Прычынай пажару мог стаць падпал аднаго са стагоў з прэсаванай саломай.