ДТЗ насупраць ГУМа: Peugeot выехаў на тратуар і збіў мармуровы слуп

ДТЗ здарылася ўчора ўвечары на скрыжаванні праспекта Незалежнасці і вуліцы Леніна ў цэнтры Менска.

Кіроўца Peugeot выехаў за межы праезнай часткі, заскочыў на бардзюр і збіў мармуровую калону. Сам кіроўца не пацярпеў, калона ўпала, але знешніх пашкоджанняў на ёй не відаць. Аўтамабіль разбіты, піша onliner.by.

Са слоў відавочцы, выезду за межы праезнай часткі папярэднічала сутыкненне з універсалам. Людзі, якія апынуліся на месцы ДТЗ, запэўніваюць: «Кіроўца апошняга аўтамабіля спрабаваў праскочыць перакрыжаванне на чырвоны сігнал святлафора. Ад удару яго развярнула супраць ходу руху і адкінула далей па вул. Леніна ў бок вул. Карла Маркса. Ва ўніверсала апынулася разбітая бакавая частка кузава, у Peugeot – пярэдняя».