Емен просіць ААН аб уводзе войскаў
- 7.05.2015, 9:10
- 11,688
Прысутнасць войскаў патрэбная перш за ўсё ў гарадах Адэн і Таіз.
Сталы прадстаўнік Емена Халед Аль-Емані звярнуўся ў Раду бяспекі ААН з просьбай «у самыя кароткія тэрміны ўвесці сухапутныя войскі для выратавання краіны». Пра гэта сталы прадстаўнік напісаў у лісце, датаваным 6 траўня, паведамляе "Корреспондент" са спасылкай на Reuters.
Удакладняецца, што прысутнасць войскаў патрэбная перш за ўсё ў гарадах Адэн і Таіз.
Таксама сталы прадстаўнік Емена ў ААН заклікаў арганізацыі ў абароне правоў чалавека звярнуць увагу на «варварскія парушэнні ў дачыненні да цывільнага насельніцтва».
Раней паведамлялася, што больш за тысячу чалавек загінула за час бамбавання Емена.
Нагадаем, вайсковая аперацыя ў Емене супраць шыіцкай групоўкі хусітаў пачалася 26 сакавіка і афіцыйна завяршылася 21 красавіка. Арабскую кааліцыю, якая бамбіла базы баевікоў, узначаліла Саудаўская Арабія. Аднак пасля афіцыйнай аб'явы аб завяршэнні «Буры рашучасці» сілы кааліцыі прадаўжаюць наносіць ўдары па пазіцыях паўстанцаў.