Парашэнка абвясціў дэмабілізацыю

Прэзідэнт Украіны абвясціў дэмабілізацыю ў траўні-ліпені 2015 года.

Адпаведны Указ №254/2015 ад 6 траўня «Аб звальненні ў запас вайскоўцаў, якія былі прызваны на вайсковую службу падчас мабілізацыі на асаблівы перыяд у адпаведнасці з указам прэзідэнта Украіны ад 6 траўня 2014 года №454 «Аб частковай мабілізацыі» апублікаваны на сайце кіраўніка дзяржавы.

«Правесці ў траўні - ліпені 2015 звальненне ў запас вайскоўцаў, якія былі прызваны на вайсковую службу паводле прызыву пры мабілізацыі на асаблівы перыяд у адпаведнасці з Указам прэзідэнта Украіны ад 6 траўня 2014 года №454 «Аб частковай мабілізацыі», - гаворыцца ва ўказе.

Указ уваходзіць у дзеянне з дня апублікавання.

Таксама паведамляецца, што быў працягнуты тэрмін прызыву на тэрміновую вайсковую службу ў красавіку-траўню на чэрвень. Пра гэта гаворыцца ва ўказе прэзідэнта №255 ад 7 траўня.

Між іншым, цягам траўня-чэрвеня будуць прызваныя на тэрміновую вайсковую службу прыдатныя паводле стану здароўя да службы ў мірны час мужчыны, якім да дня адпраўлення ў вайсковыя часткі споўнілася 20 гадоў, і старэйшыя асобы, якія не дасягнулі 27-гадовага ўзросту і не маюць права на вызваленне або адтэрміноўку ад прызыву на тэрміновую вайсковую службу.

Адзначым, першая хваля дэмабілізацыі ва Украіне пачалася 18 сакавіка 2014 г. 10 красавіка 2015 пачалася пятая хваля мабілізацыі.