На вуліцы Багдановіча ў Менску маршрутка сутыкнулася з BMW

Аварыя адбылася сёння раніцай на вуліцы Багдановіча, недалёка ад скрыжавання з вуліцай Веры Харужай.

«Маршрутка «зарадзіла» BMW у зад», - распавёў адзін з чытачоў сайта onliner.by. Зрэшты, моманту сутыкнення ён не бачыў, а ў ДАІ ад ацэнак пакуль устрымаліся.

«У маршрутцы былі людзі. Усё абышлося без сур'ёзных наступстваў - толькі пара чалавек трымаліся за галаву, - распавёў чытач. - Хуткія не пад'язджалі. Сцвярджаць не буду, але магчыма, у BMW у дзіцячым крэсле знаходзілася дзіця. Як усё адбылося, не бачыў, толькі пачуў з дому гучны віск тармазоў».

У ДАІ Савецкага раёна нам паведамілі, што пацярпелых у ДТЗ няма, а хто быў вінаватым у аварыі, пакуль казаць рана. Версіі кіроўцаў прама процілеглыя. Ідзе разбіральніцтва.