У Столінскім раёне гарыць палігон, зафіксавана 7 выбухаў

Гарыць нізавы лес на месцы былога вайсковага палігона ў Столінскім раёне.

Ліквідацыя пажару абцяжарваецца наяўнасцю выбуховых боепрыпасаў.

15 чэрвеня, а 8.00, у МНС паступіла паведамленне аб нізавым лясным пажары. Гарэў былы вайсковы палігон ў Столінскім раёне на плошчы 150 гектараў.

Ратавальнікі не маглі адразу ж прыступіць да ліквідацыі пажару праз наяўнасці на палігоне не выбухнуўшых боепрыпасаў і адсутнасці пад'язных шляхоў. "З 8 раніцы да 8 вечара было зафіксавана 7 выбухаў, пацярпелых няма", - распавялі tut.by ва ўстанове.

Маніторынг і ацэнка пажару праводзяцца з дапамогай авіяцыі.

"Паводле стану на 10.00, 16 чэрвеня, плошча пажару складае 80 га", - паведамілі аб аператыўнай абстаноўцы ў МНС.

Для тушэння пажару задзейнічана 65 чалавек з найбліжэйшых лясніцтваў і 35 ратавальнікаў, працуе тэхніка ўстаноў.

На месцы працуе сітуацыйны штаб ліквідацыі НС на чале з начальнікам Берасцейскай абласной упраўлення МНС.

МНС і Мінлясгас просіць грамадзян устрымацца ад наведвання лясоў. Цяпер разглядаецца пытанне аб афіцыйнай забароне на іх наведванне.

У перыяд забароны закрываюцца ўсе шлагбаўмы на з'ездах з дарог у лясы, пры патрэбе ўсталёўваюцца шыльды з інфармацыяй аб забароне наведвання лесу і адказнасці за яе парушэнне. На аўтатранспарце можна праязджаць толькі па дарогах, што вядуць да населеных пунктаў, а таксама да абсталяваных месцаў адпачынку. Распальванне вогнішчаў у лясах і на тарфяніках на перыяд забароны або абмежавання наведвання лясоў забароненае.

За парушэнне забароны на наведванне лясоў прадугледжаная адказнасць у выглядзе штрафу сумай да 25 базавых адзінак (4,5 млн рублёў). Калі гэта пацягне знішчэнне або пашкоджанне лесу або тарфянікаў, то накладаецца штраф сумай ад 25 да 50 базавых адзінак (ад 4,5 да 9 млн рублёў). За распальванне вогнішчаў у забароненых месцах прадугледжаная адказнасць у выглядзе папярэджання або штрафу да 12 базавых адзінак (2 160 000 рублёў).