Мінкамсвязі РФ: Караць за «лайкі» і рэпост у інтэрнэце нельга

Мінкамсвязі РФ выступае супраць увядзення адказнасці за гіперспасылкі і рэпост у Інтэрнэце.

Пра гэта заявіў намеснік міністра сувязі і масавых камунікацый Аляксей Волін у эфіры праграмы «Збіты фокус» на радыёстанцыі «Эхо Москвы» ў панядзелак, піша «Интерфакс».

З ягоных слоў, цяпер паняцці рэпост і перапіс нідзе дакладна не прапісаны і існуюць проста трактоўкі гэтых паняццяў, якіх прытрымліваюцца ў тым ці іншым выпадку тыя, хто займаецца правапрымяняльнай практыкай.

«Мы мяркуем, што лайкі і рэпост не з'яўляюцца выражэннем чаго б там ні было, тым больш, што мы вялікія праціўнікі таго, каб уводзіць адказнасць за гіперспасылкі», - сказаў Аляксей Волін.

Ён адзначыў, што часцяком чалавек не ведае, што наогул хаваецца за гіперспасылкай: сёння там можа быць адно, а заўтра іншае.

«Тое ж самае з рэпостам. Ты рэпосціш нейкі радок, змест якога можа памяняцца. Што такое рэпост? Ты паказваецца нейкі адрас, але па гэтым адрасе ў жыцці сёння можа стаяць хлеў, а заўтра булачная. І ты, паказваючы адрас, можаш мець на ўвазе хлеў. А праз 15 хвілін там нешта змянілася. Таму пазіцыя міністэрства вельмі простая: мы мяркуем, што гэта вельмі шырокае трактаванне закона, і мы з'яўляемся праціўнікамі ідэі ўвесці адказнасць за гіперспасылкі», - заявіў ён.

Нагадаем, 22-гадовага гамяльчука Кірыла Сілівончыка Маскоўскі акруговы вайсковы суд прызнаў вінаватым паводле артыкула «Публічнае апраўданне тэрарызму або публічныя заклікі да яго». Беларус размясціў на сваёй старонцы ў сацыяльнай сетцы «ВКонтакте» рэпост з заклікам да салідарнасці з Украінай і сумеснай барацьбе з расейскай тэрарыстычнай пагрозай. За гэта яго прысудзілі да двух гадоў калоніі-пасялення. Пакаранне Кірыл Сілівончык адбывае на тэрыторыі Расеі.