П'янага «бяспраўніка» на «Масквічы» ў Гомелі спынялі стрэламі
4- 20.06.2015, 10:58
- 15,193
Ягоная спадарожніца выйшла на хаду.
Мінулай ноччу малады жыхар Гомельскага раёна на старэнькім «Масквічы» паспрабаваў з'ехаць ад ДАІ. У пераследзе ўдзельнічалі тры экіпажы. Каб спыніць парушальніка, прыйшлося прастрэліць яму кола. У разгар пагоні 19-гадовая пасажырка «Масквіча» вырашыла пакінуць машыну. Дзяржаўтаінспекцыя Гомельскай вобласці дала відэа з рэгістратара службовага аўтамабіля, піша onliner.by.
Пачалося ўсё з таго, што незадоўга да поўначы супрацоўнікі ДАІ вырашылі праверыць старэнькі «Іж-Комбі», заехалі на прыгарадную запраўку. Калі інспектар папрасіў у кіроўцы дакументы, той ірвануў у бок Гомеля. Супрацоўнікі Дзяржаўтаінспекцыі адправіліся следам. Неўзабаве да пераследу далучыліся яшчэ два экіпажа.
У ДАІ расказалі, што на гукавую і светлавую сігналізацыю кіроўца не рэагаваў, галасавыя каманды ігнараваў. Павялічыўшы хуткасць да максімальна магчымай для гэтай машыны, кідаўся па праезнай часткі, не даючы сябе абагнаць. Пазней высветлілася - ірваўся ў бок дома, у вёску Раманавічы.
На ўчастку паміж населенымі пунктамі, пасля папярэджання праз гучнагаварыцель, адзін з афіцэраў чатыры разы стрэліў з пісталета ў паветра, а затым тройчы - у левае задняе кола аўтамабіля. У покрыўцы потым знайшлі дзве прабоіны, але машына працягвала рухацца.
Неўзабаве з пярэдняга сядзення на дарогу вывалілася дзяўчына (у выніку гэтага трука яна падвярнула нагу). Затым і кіроўца выскачыў на хаду, паспрабаваў уцячы у двары, але быў схоплены.
Як распавялі ў ДАІ, за рулём знаходзіўся непрацуючы 24-гадовы жыхар вёскі Раманавічы. У ягонай крыві аказалася 0,5 праміле алкаголю. Правоў ён быў пазбаўлены раней, прынамсі двойчы трапляўся п'яным за рулём. На гэты раз для пачатку складзеныя шэсць адміністрацыйных пратаколаў. Праверку пачаў Следчы камітэт.