Работнікаў менскага аэрапорта адпраўляюць у вымушаныя адпачынкі?

У менскім аэрапорце нягледзячы на летні сезон, калі звычайна павялічваецца пасажырапаток турыстаў, пачалі адпраўляць работнікаў у адпачынкі за свой кошт.

Работнікаў аэрапорта прымушаюць па чарзе браць па два дні адпачынку за свой кошт. Пра гэта «Беларускаму партызану» паведамілі работнікі аэрапорта.

Гэта звязана са складаным эканамічным становішчам аэрапорта. Хоць адначасова са скарачэннем выдаткаў на заробак аэрапорт купіў 3 новых грузавікі МАЗ і 2 новых аўтобусы. Магчыма, гэта звязана з загадам разгрузіць склады прамысловых гігантаў, таму што нечакана новыя аўтобусы і грузавікі з'явіліся там, дзе іх ніхто не чакаў, напрыклад, у Баранавічы ў чэрвені даставілі новую тэхніку для камунальнікаў. Гэта значыць дзяржава перакладае грошы з адной кішэні ў другую.