Віцэ-прэм'ер Качанава аб падатку на дармаедства: «Мы не шкадуем аб прынятым дэкрэце»

У верасні дэкрэт аб дармаедстве могуць змяніць.

У аўторак намесніца прэм'ер-міністра Наталля Качанава (адказвае ва ўрадзе за сацыяльную сферу), адказвала на пытанні «дэпутатаў» у Авальнай зале. Народныя абраннікі прапанавалі паклапаціцца аб правах бацькоў - і зрабіць для іх адмысловы святочны дзень. Хвалявала іх і тое, што ў настаўнікаў ёсць прафесійнае свята, а ў выхавальнікаў дзіцячых садоў няма. А вось журналісты цікавіліся ў віцэ-прэм'ера дэкрэтам аб дармаедстве, піша kp.by.

- Цяпер праходзіць маніторынг тых прапаноў, якія паступаюць наконт гэтага дэкрэта. Мы акумулюем усе гэтыя прапановы, якія маюць месца ў розных рэгіёнах. А ў верасні будзем іх разглядаць, - распавяла Наталля Качанава.

- Ва ўрадзе не пашкадавалі, што прынялі гэты дэкрэт? - удакладнілі журналісты.

- Не, вядома. Адназначна няма. Таму што сёння людзі павінны дакладна разумець, што яны павінны працаваць і рабіць свой унёсак у фармаванне дзяржаўных выдаткаў.