28 сакавiка 2024, Чацвер, 17:18
Падтрымайце
сайт
Сім сім,
Хартыя 97!
Рубрыкі

Каардынатар «Еўрапейскай Беларусі» выйшаў на волю пасля 10 дзён арышту

Каардынатар «Еўрапейскай Беларусі» выйшаў на волю пасля 10 дзён арышту
Максім Вінярскі

Учора ўвечары скончыліся 10 дзён адміністрацыйнага арышту, прызначаныя каардынатару грамадзянскай кампаніі «Еўрапейская Беларусь» за акцыю салідарнасці з Юрыем Рубцовым.

Максім Вінярскі быў вызвалены на волю з ізалятара часовага ўтрымання Менскага раёна а 21.30 у панядзелак, 29 чэрвеня. Адміністрацыя ІЧУ пастанавіла выпусціць актывіста не праз галоўны ўваход, дзе яго чакалі сябры і сваякі, а праз бакавы.

Максіму Вінярскаму не быў вернуты фотаапарат, канфіскаваны падчас арышту, аб чым ёсць запіс у пратаколе затрымання. Таксама ў пастанове аб распачынанні адміністрацыйнай справы адзначана, што флэш-карта ад фотаапарата «падлягае знішчэнню».

Нагадаем, што Максім Вінярскі разам з двума іншымі актывістамі кампаніі «Еўрапейская Беларусь», Леанідам Кулаковым і Сяргеем Мацкойць, былі затрыманыя 20 чэрвеня на выездзе з вуліцы Лагойскі тракт ў Менску. Падставай для арышту паслужыла вывешванне банэра «Свабоду Рубцову!» На мосце каля гіпермаркета «Гіпа».

Максім Вінярскі быў прысуджаны да 10 дзён адміністрацыйнага арышту (ч.3 арт.23.34 КаАП, суддзя М. Гарэлаў), Сяргей Мацкойць - да 5 дзён (ч.1 арт.23.34 КаАП, суддзя С. Ткачук). Суд над трэцім актывістам - Леанідам Кулаковым - быў перанесены на 23 чэрвеня пасля хадайніцтва адваката аб выкліку сведак. Пасля актывіст таксама быў асуджаны на 10 дзён адміністрацыйнага арышту, але пад варту не ўзяты.

Напісаць каментар

Таксама сачыце за акаўнтамі Charter97.org у сацыяльных сетках