Пажар пад Чарнобылем часткова патушаны
1- 2.07.2015, 12:32
- 26,219
У зоне ўзгарання застаецца чатыры ачагі, дзе ўсё яшчэ тлее торф.
Узгаранне лесу ў Чарнобыльскай зоне часткова ліквідаванае. Пра гэта сёння на брыфінгу паведаміў кіраўнік Дзяржаўнай службы надзвычайных сітуацый Мікалай Чачоткін, паведамляе ЛІГАБізнесІнформ.
«З раніцы ў нас было шэсць ачагоў узгарання, на сённяшні дзень на ўсіх шасці ачагах узгаранне сухой травы ліквідаванае. Застаецца чатыры ачагі, дзе ідзе тленне торфу. Узгаранне ляснога подсцілу, і травы цалкам ліквідаванае», - сказаў ён.
Чачоткін таксама падкрэсліў, што сітуацыя на месцы здарэння цалкам кантралюецца і дадаў, што асноўныя намаганні ратавальнікаў сканцэнтраваныя на тушэнні названых чатырох ачагоў. З ягоных слоў, тушэнне торфу можа доўжыцца месяцамі.
Кіраўнік ДсНС дадаў, што галоўнае ў гэтай сітуацыі тое, што выратавальнікі не дапусцілі перакідвання пажару на лясныя масівы на тэрыторыі Жытомірскай вобласці.