На парад – на загад
19- 2.07.2015, 19:16
- 26,028
У Баранавічах на парадзе 3 ліпеня школьнікаў абавязваюць стаць «жывым калідорам».
Аддзел адукацыі, спорту і турызму Баранавіцкага гарвыканкама строга абавязаў адміністрацыі школ горада накіраваць сваіх вучняў для ўдзелу ў святочным штогадовым шэсці ветэранаў у Дзень незалежнасці, паведамляе ПЦ «Вясна».
Гэта вынікае з ліста за подпісам намесніцы начальніка аддзела Святланы Сідарэвіч, які гарадскія школы атрымалі напярэдадні 3 ліпеня. У лісце асабліва адзначаецца, што рэгістрацыя ўдзельнікаў «жывога» калідора школьнікаў будзе вельмі строгай. Прычым дата Дня незалежнасці ў пісьмовым даручэнні гарадскога аддзела адукацыі памылкова паказана не 3 ліпеня, а 3 чэрвеня.