У гарадзенскім радзільным доме будуць праслухоўваць размовы з пацыентамі
20- 2.07.2015, 20:03
- 8,894
Тэлефанаванні і размовы з пацыентамі радзільні будуць праслухоўвацца.
Месцы, дзе вядзецца запіс, пазначаныя папераджальнымі таблічкамі, піша «Вечерний Гродно».
А размовы запісваюцца ў чатырох месцах: стале даведак і рэгістратуры паліклінікі радзільні, а таксама ў двух прыймовых пакоях стацыянара.
Новы праграмна-апаратны комплекс закуплены з мэтай падвысіць культуру абслугоўвання медперсаналу і прызвычаіць да ветлівасці пацыентаў і наведвальнікаў, падкрэсліла намесніца галоўнага лекара ў арганізацыйна-метадычнай працы Гарадзенскага абласнога перынатальнага цэнтра Святлана Дзямбоўская.
Пры скаргах у кожны момант можна праслухаць не толькі тэлефанаванні, але і размовы ў кабінеце. Дарэчы, акрамя запісу, у радзільні даўно вядзецца відэаназіранне.