Пад Сенна трэцім раз пройдзе джып-фестываль

Больш за дзвесце удзельнікаў збярэ джып-фестываль з элементамі трофі-рэйду «Спякота-2015».

Спаборніцтвы пройдуць з 24 да 26 ліпеня ў Сенненскім раёне (Віцебская вобласць), паведамляе БелТА.

Джып-фестываль арганізуецца ў Віцебскай вобласці ўжо трэцім разам. Традыцыйна ў ім бяруць удзел вядомыя ў нашай краіне спартоўцы, такія як Артур Туманаў, Рыгор Панасюк і іншыя. У праграме - пераадоленне бездарожжа на паўнапрывадных аўтамабілях і квадрацыклах (трофі-рэйд). «Праходжанне некаторых адрэзкаў маршруту, у тым ліку спецучасткаў, патрабуе вялікіх магчымасцяў тэхнікі і высокай падрыхтоўкі ўдзельнікаў. Таму звычайна аўтамабілі рыхтуюць да спаборніцтваў у спецыяльных майстэрнях ці самастойна. Хуткасці на маршруце трофі-рэйду невысокія, таму асноўная ўвага надаецца надзейнасці тэхнікі», - адзначылі арганізатары.

Асноўным спаборніцкім фактарам трофі-рэйду з'яўляецца ўзяцце кропак GPS у пэўны прамежак часу (ліміт 07:00). Удзельнікі самастойна фіксуюць праходжанне трасы пры дапамозе лічбавага фотаапарата - у пэўных месцах (кропка GPS) робяць фотаздымак, на якім павінны быць бачныя машына са стартавым нумарам, член экіпажа і «ўнікальны прадмет» (гэта можа быць камень, дрэва, пень і г.д . з нанесеным апазнавальным знакам).

На маршруце прадугледжаныя глядацкія зоны, на якіх любы ахвотны зможа ўбачыць праходжанне аўтамабілямі спецучасткаў (адрэзкаў маршруту, які пралягае па бездаражы, з кантрольным часам праходжання).

У праграме фестывалю - не толькі спаборніцкая частка, але і вячэрняе шоу-праграма. Старт спаборніцтвам будзе дадзены 25 ліпеня а 10.00, узнагароджанне пераможцаў адбудзецца 26 ліпеня а 12.00.

Арганізатар фестывалю - беларускі пазадарожны «JEEP-CLUB» пры падтрымцы віцебскага клуба «Паўночны рубеж».