Высокапастаўлены супрацоўнік берасцейскага АУС знойдзены мёртвым ва ўласным кабінеце

22 ліпеня 2015, блізу 8.00, у службовым кабінеце быў знойдзены труп супрацоўніка аднаго з аддзелаў унутраных спраў з прыкметамі смерці ад агнястрэльнага ранення.

Пра гэта распавялі парталу «Віртуальны Брэст» у прэс-службе УУС Берасцейскага аблвыканкама.

У гэты момант Управа Следчага камітэта Берасцейскай вобласці праводзіць праверку паводле факта выяўлення цела, разглядаюцца розныя версіі. Каментар СК будзе даступны найбліжэйшым часам.

Пра здарэнне стала вядома яшчэ ўчора. Паводле інфармацыі партала, гаворка ідзе пра даволі высокапастаўленага супрацоўніка, начальніка аднаго з аддзелаў. «Мы маем дакладную інфармацыю, але пакуль з этычных меркаванняў не будзем яе публікаваць», - паведамляюць журналісты.

Прычыны таго, што адбылося будуць высвятляць следчыя, вядома, што ў загінулага шчаслівая сям'я, якая характарызавалася са станоўчага боку.