Белаазёрск на некалькі гадзін застаўся без электрычнасці
4- 25.07.2015, 13:33
- 19,026
Раніцай у суботу горад Белаазёрск (Берасцейская вобласць) на некалькі гадзін застаўся без электрычнасці.
Крамы былі зачыненыя, святлафоры не працавалі. Як паведамілі "Салідарнасці" ў электрасетках Бярозаўскага раёна, прычынай стала пашкоджанне сеткавага кабелю на прыватным падворку.
Спецыялісты змаглі досыць аператыўна аднавіць энэргазабеспячэнне горада.
Такая ж сітуацыя ў Белаазёрску адбылася ў студзені 2014 года, калі прычынай знікнення электрычнасці стала пазаштатная сітуацыя на Бярозаўскай ГРЭС.