29 сакавiка 2024, Пятніца, 14:21
Падтрымайце
сайт
Сім сім,
Хартыя 97!
Рубрыкі

Беларусі пагражаюць новыя санкцыі ЗША за выкарыстанне прымусовай працы

23
Беларусі пагражаюць новыя санкцыі ЗША за выкарыстанне прымусовай працы

Злучаныя Штаты пагоршылі ацэнку Беларусі ў штогадовым дакладзе аб гандлі людзьмі і прымусовай працы

Дакумент ахоплівае 188 краін і аналізуе іх намаганні ў справе барацьбы з рознымі формамі эксплуатацыі насельніцтва, паведамляе «Радыё Свабода».

Узровень, які займае ў ім Беларусь, быў зніжаны з другога да трэцяга праз тое, што афіцыйны Менск не ў стане распачаць эфектыўныя намаганні для выканання мінімальных стандартаў для барацьбы з гандлем людзьмі ў 2014 годзе.

У справаздачы гаворыцца, што ўрад краіны «прадаўжае практыку правядзення суботнікаў, якая патрабуе ад супрацоўнікаў дзяржаўных устаноў, дзяржаўных прадпрыемстваў і многіх прыватных прадпрыемстваў працаваць у пэўныя суботнія дні і аддаваць свае даходы на фінансаванне дзяржаўных праектаў». «Дзяржаўныя працадаўцы і ўлады запалохвалі і штрафавалі рабочых, якія адмовіліся ўдзельнічаць у іх», - гаворыцца ў дакладзе.

Паніжэнне статусу Беларусі ў справаздачы таксама тлумачыцца тым, што афіцыйны Менск «не дэманструе намаганняў для скарачэння попыту на камерцыйны сэкс і прымусовую працу».

Трэці ўзровень, на якім цяпер, згодна з дакладам, знаходзіцца Беларусь, можа прывесці да санкцый у дачыненні да краіны, прынамсі, да скасавання дапамогі, не звязанай з замежным гандлем, а таксама спынення фінансавання ўдзелу дзяржаўных службоўцаў у праграмах сферы культуры і адукацыі.

Дзяржсакратар ЗША Джон Кэры заявіў у лісце, апублікаваным разам са справаздачай 27 ліпеня, што «гандаль людзьмі з'яўляецца абразай чалавечай годнасці і замахам на свабоду». «Ці гаворым мы аб продажы жанчын і дзяцей тэрарыстамі на Блізкім Усходзе, ці аб сэкс-гандлі дзяўчатамі, якіх завабліваюць са сваіх дамоў у Цэнтральнай Еўропе, эксплуатацыі сельскагаспадарчых рабочых у Паўночнай Амерыцы, або заняволенні рыбакоў у Паўднёва-Усходняй Азіі, - у кожнай ахвяры гэтага злачынствы ёсць імя, - нагадаў Кэры, - У кожнага з гэтых людзей былі адабраныя самыя асноўныя правы чалавека».

Пасля публікацыі справаздачы прэзідэнт ЗША Барак Абама мае 90 дзён для пастановы ў дачыненні да краінаў, якія перайшлі на трэці ўзровень.

Напісаць каментар 23

Таксама сачыце за акаўнтамі Charter97.org у сацыяльных сетках