Ураган у Магілёўскай вобласці зносіў дахі з будынкаў
2- 28.07.2015, 10:14
- 16,162
На тэрыторыі Магілёўскай вобласці былі пашкоджаныя дахі аб'ектаў у Быхаўскім, Горацкім, Клічаўскім, Магілёўскім, Мсціслаўскім і Хоцімскім раёнах.
Пра гэта сайту charter97.org паведамілі ў прэс-службе МНС.
У Клічаўскім раёне пашкоджаныя дахі на ААТ «Клічаўрайаграпрамтэхснаб» у вёсцы Малінавае. Працы для аднаўлення аб'екта будуць праводзіцца сіламі ДУК ДСП «ПМК-258».
У Хоцімскім раёне вецер пашкодзіў дахі СВК «Батаева» і СВК «Кастрычнік-Бярозкі». Пацярпелых няма. Усе рамонтныя работы будуць праводзіцца сваімі сіламі.
У Быхаве праз ураган пацярпелі дахі школ і пабудоў ААТ «Быхаўрайаграпрамтэхснаб», СВК «Валадарскі» і ААТ «Магілёўхлебапрадукт».