Лукашэнка атрымаў ад РФ $760 мільёнаў у расейскіх рублях

Крэдыт у $760 мільёнаў у расейскіх рублях выдзелены на 10 гадоў, у тым ліку чатырохгадовы льготны перыяд.

Пра гэта БелТА паведамілі ў міністэрстве.

"На рахунак Міністэрства фінансаў 28 ліпеня паступілі сродкі дзяржаўнага фінансавага крэдыту ў адпаведнасці з пагадненнем паміж урадамі Беларусі і Расейскай Федэрацыі", - адзначылі спецыялісты.

Нагадаем, крэдыт прадастаўляецца для абслугоўвання і пагашэння крэдытаў, выдадзеных раней Беларусі Расеяй і Еўразійскім фондам стабілізацыі і развіцця. У гэтым годзе Расея ўжо вылучала Беларусі $110 мільёнаў на пагашэнне адсоткаў у расейскім крэдыце, выдзеленым у 2010 годзе.