БАТЭ згуляў унічыю з «Відэатонам» у матчы Лігі чэмпіёнаў

БАТЭ ў першым матчы 3-га кваліфікацыйнага раўнду Лігі чэмпіёнаў у гасцях згуляў унічыю з «Відэатонам» - 1:1

Пра гэта паведамляе «Прессбол».

Беларусы амаль перамаглі, але на 89-й хвіліне Паўла Вінісіус ударам галавой зраўняў лік.

«Відэатон» - БАТЭ - 1:1

«Відэатон»: Данілавіч - Сальнокі, Юхас (к) (Ланг, 30), Паўла Вінісіус, Марэваль (Фейеш, 73) - Лейкс, Трэбоціч - Дзьюрча, І.Ковач (Сума, 59), Філіпэ Алівейра - Іваноўскі.

Запасныя: Паёвіч, Хефлер, Паткаі, Шымон.

БАТЭ: Чэрнік - Жаўнерчык, Дубра, Мілунавіч, Младэнавіч - Нікаліч, Бага, Алексіевіч - Гардзяйчук (М.Валадзько, 85), Карніцкі (Рыас, 64) - Радзівонаў (к) (Сігневіч, 75).

Запасныя: Сарока, Гайдучык, Яблонскі, Аляхновіч.

Галы: 0:1 - Лейкс (56, аўтагол, пас - Карніцкі). 1:1 - Паўла Вінісіус (89, пас - Дзьюрча, з вуглавога).

Папярэджанні: Радзівонаў (16), Нікаліч (37), Сігневіч (78).

Матч у адказ пройдзе 5 жніўня ў Барысаве.