Знішчальнікі NATO перахапілі 12 расейскіх вайсковых самалётаў паблізу Латвіі
5- 29.07.2015, 13:42
- 27,109
Сёння знішчальнікі паветранай паліцыі NATO падняліся на перахоп адразу 12 расейскіх вайсковых самалётаў паблізу Латвіі.
Пра гэта паведамляюць Нацыянальныя ўзброеныя сілы Латвіі на сваёй старонцы ў сетцы мікраблогаў «Твітэр».
«Знішчальнікі паветранай паліцыі 29 ліпеня перахапілі над Балтыйскім морам паблізу межаў Латвіі тры самалёты ўзброеных сіл РФ Ан-26, адзін Іл-76, чатыры Міг-31, чатыры Су-24», - гаворыцца ў паведамленні.
Air Policing jets on 29 JUL in international airspace above the Baltic Sea near LV border identified RU AF 3xAn-26, Il-76, 4xMiG-31, 4xSu-24
— NBS (@Latvijas_armija) 29 июля 2015Нагадаем, вайсковыя караблі і самалёты РФ з пачаткам канфлікту ва Украіне і абвастрэннем стасункаў паміж Захадам і РФ усё часцей фіксуюць паблізу паветраных і марскіх межаў Балтыі.
Пры гэтым паветраную і марскую прастору дзяржаў яны не парушаюць, аднак у выпадку самалётаў гаворка ідзе пра пагрозу для грамадзянскай авіяцыі.
У краінах Балтыі і Вялікабрытаніі неаднаразова заяўлялі, што палётамі сваіх самалётаў ля іх межаў Расея дэманструе сілу і тэстуе рэакцыю NATO.
