Мікалай Аўтуховіч: І адной працы няма, а кажуць шукаць другую
1- 3.07.2015, 16:35
- 11,116
Ваўкавыскі прадпрымальнік, былы палітычны зняволены Мікалай Аўтуховіч выказваецца катэгарычна супраць закона аб «дармаедстве».
З ягоных слоў, дзяржава павінна дапамагаць людзям знайсці працу, а не «абдзіраць іх новымі падаткамі», паведамляе «Радыё Рацыя».
«Гэта супярэчыць Канстытуцыі і Грамадзянскаму кодэксу. Чалавека, які не працуе на дзяржаву, не мае працы, наадварот трэба падтрымліваць, даваць яму грошы, каб ён мог неяк жыць, а яны яшчэ кажуць: давай ідзі і шукай гэтыя грошы, плаці, ідзі да сваякоў, бяры ў пазыку», - кажа Мікалай Аўтуховіч.
Прадпрымальнік уважае выказванні міністра працы і сацыяльнай абароны Беларусі Марыяны Шчоткінай аб дзвюх працах для беларусаў за абсалютна незразумелыя.
«Многія людзі не могуць знайсці адну працу - а яна кажа пра дзве», - абураецца былы палітычны вязень.