Крызіс у Кале: мігранты не жадаюць адступаць

Сотні мігрантаў, якія разлічваюць дабрацца да Вялікабрытаніі, трэцюю ноч запар сабраліся ўздоўж агародж недалёка ад грузавога тэрмінала пад Ла-Маншам у Кале.

У сераду 120 французскіх паліцыянтаў былі дадаткова адпраўленыя да тэрмінала. Адначасова сябры брытанскага парламента заклікалі ўрад зрабіць больш для развязання крызісу, паведамляе руская служба BBC.

Міністр унутраных спраў Брытаніі Тэрэза Мэй заявіла, што ў Кале тэрмінова ўсталёўваюцца новыя агароджы.

Прадстаўнік кампаніі-аператара Eurotunnel паведаміў, што 2 тысячы мігрантаў спрабавалі дабрацца да тэрмінала ў панядзелак, і паўтары тысячы - у аўторак. Некалькі сотняў мігрантаў былі адціснуты ад грузавога тэрміналу французскай паліцыяй у ноч на сераду - трэцюю ноч маштабных спробаў штурмаваць тэрмінал.

Спробы пранікнуць у тунэль працягнуліся і пасля смерці мужчыны, якога французская паліцыя апісвае як суданца 25-30 гадоў. Французская паліцыя паведамляе, што ён, верагодна, быў раздушаны выязджаючым з тунэля грузавіком.

Сотні мігрантаў, якія разлічваюць дабрацца да Вялікабрытаніі, ужо трэцюю ноч запар сабраліся ўздоўж агароджы недалёка ад грузавога тэрмінала пад Ла-Маншам у Кале

Мігранты ў Кале сказалі Гэвіну Лі, што яны будуць прадаўжаць спробы пранікнуць у тунэль праз адтуліны ў агароджах. Яны кажуць, што, збіраючыся ў групы па 400 чалавек, маюць больш шанцаў атрымаць поспех у сваім пачынанні.

Прадстаўнікі Eurotunnel сцвярджаюць, што з пачатку года яны спынілі 37 тысяч мігрантаў, якія спрабавалі пракрасціся ў Брытанію.

Прадстаўнік аператара Джон Кіф назваў сітуацыю невыноснай праз пастаянныя начныя напады сотняў, калі не тысяч, мігрантаў, якія імкнуцца пракрасціся на востраў любымі спосабамі.

Выступаючы ў сераду пасля пасяджэння надзвычайнага камітэта ўрада Cobra, Тэрэза Мэй сказала: «Важна, што займаючыся павышэннем бяспекі на чыгуначнай станцыі ў Кале, мы можам прадухіліць спробы людзей прарвацца праз тунэль».

Таксама яна паведаміла, што просьбы аб прытулку некаторых мігрантаў, якія змаглі пракрасціся ў краіну праз тунэль, разглядаюцца на гэтым тыдні.