Новае шоў былых вядоўцаў Top Gear выйдзе на Amazon

Джэрэмі Кларксан, Рычард Хаманд і Джэймс Мэй падпісалі кантракт на стварэнне тэлешоў з Amazon.

Пра гэта Кларксан напісаў у сваім Twitter, піша Lenta.ru.

Праца над першымі эпізодамі праекта павінна пачацца восенню 2015 года, удакладняе The Daily Mail.

Усяго праграма, назва якой пакуль не раскрываецца, будзе складацца з трох сезонаў. Запуск шоў запланаваны на 2016 год. Серыі стануць даступныя карыстальнікам відэасэрвісу Amazon Prime ва ўсім свеце.

Акрамя таго, як паведамляецца, да праекту далучыцца былы прадусар Top Gear Эндзі Уілмен.

У траўні выданне The Daily Mirror пісала, што былыя вядоўцы Top Gear вядуць перамовы з канкурэнтам Amazon Prime стрымінгавым відэасэрвісам Netflix аб выпуску новага аўтамабільнага шоў House of Cars.

Кларксан быў адхілены ад Top Gear 10 сакавіка 2015 пасля сваркі з прадусарам. Паводле інфармацыі брытанскіх СМІ, вядоўца нібыта ўдарыў Ойсіна Таймана за тое, што апошні не падаў здымачнай групе ежу пасля працоўнага дня ў Ньюкасле. Пазней карпарацыя ВВС, якая стварае перадачу, абвясціла, што кантракт з вядоўцам падоўжаны не будзе. Услед за Кларксанам шоў пакінулі Хаманд, Мэй і Уілмен. Цяпер карпарацыя шукае на іх месца траіх новых вядоўцаў. Пасля сыходу з праграмы Кларксан паабяцаў стварыць аналаг Top Gear.