Брытанскія вайскоўцы апублікавалі фота перахопу расейскіх самалётаў
2- 31.07.2015, 15:14
- 15,992
Каралеўскія вайскова-паветраныя сілы Брытаніі апублікавалі фота перахопу вайсковых самалётаў РФ над Балтыкай.
Адпаведныя фота размясцілі на сайце вайскова-паветраных сілаў, паведамляе "Еўрапейская праўда".
Згодна з інфармацыяй, інцыдэнт адбыўся ў пятніцу, 24 ліпеня. Брытанскія знішчальнікі Typhoon патрулявалі паветраную прастору Балтыі ў рамках місіі NATO.
Typhoon, якія адносяцца да 6-й эскадрыллі, падняліся ў неба, калі ў міжнароднай паветранай прасторы паблізу Балтыі з'явіліся самалёты РФ.
Усяго было перахоплена 10 вайсковых самалётаў РФ - 4 бамбавікі Су-34, 4 знішчальнікі Міг-31 і 2 вайскова-транспартныя самалёты Ан-26.
Самалёты NATO 250 разоў выляталі на перахоп расейскіх самалётаў над Еўропай у гэтым годзе. Так, прадстаўнікі NATO паведамілі, што гэта найбольшая колькасць за аналагічны перыяд з моманту заканчэння "халоднай вайны". На мінулым тыдні было перахоплена 22 расейскія самалёты над Балтыйскім морам.