Украіна і Нідэрланды ўзгодняць альтэрнатыву трыбуналу наконт Боінга
1- 31.07.2015, 16:15
- 12,746
Прэзідэнт Украіны і прэм'ер Нідэрландаў дамовіліся ўзгадніць альтэрнатыўныя прапановы аб міжнародным судзе над вінаватымі ў катастрофе малайзійскага самалёта.
Пра гэта гаворыцца ў паведамленні прэс-службы Пятра Парашэнкі.
«Пятро Парашэнка і Марк Рутэ дамовіліся даручыць кіраўнікам замежнапалітычных ведамстваў неадкладна ўзгадніць альтэрнатыўныя прапановы і распрацаваць супольны план дзеянняў з мэтай стварэння адпаведнай міжнароднай судовай інстытуцыі», - гаворыцца ў паведамленні.
Парашэнка адзначыў высокі ўзровень узаемадзеяння паміж Аўстраліяй, Бельгіяй, Малайзіяй, Нідэрландамі і Украінай у пытанні стварэння міжнароднага трыбунала.
«Нам удалося напрацаваць усеахопны міжнародна-прававы механізм, здольны забяспечыць прыцягненне да адказнасці асоб, вінаватых у гэтым злачынстве», - сказаў Парашэнка.
Нагадаем, раней прэм'ер Украіны Арсеній Яцэнюк заявіў, што краіны-ініцыятары трыбунала наконт катастрофы «Боінга» ўжылі план «Б» пасля накладання вета Расеяй на рэзалюцыю ў Радзе Бяспекі ААН.