Кошты нафты прадаўжаюць падаць

На 21.45 па Менску кошт ф'ючэрсаў на нафту маркі Brent знізіўся на 2,18%, да $52,15 за барэль.

Кошт ф'ючэрсаў на нафту маркі WTI абрынуўся на 2,78%, да $47,17 за барэль, паведамляе Gazeta.ru.

Як адзначаецца, гэта звязана з ростам у ЗША колькасці буравых установак па здабычы. Паводле звестак амерыканскай сэрвіснай кампаніі Baker Hughes, колькасць такіх установак павялічылася на 5 адзінак да 664 адзінак.

Агульная колькасць буравых установак у ЗША паводле вынікаў працоўнага тыдня, скарацілася на 2 адзінкі і склалі 874 адзінкі.