Пад Магілёвам упаў лёгкаматорны самалёт
- 4.07.2015, 10:23
- 8,148
Пілот выратаваны супрацоўнікамі МНС.
Паведамленне пра падзенне самалёта на адрасе: Круглянскі раён, вёска Альшаннікі-2 паступіла 3 ліпеня а 18:23. Пра гэта сайту charter97.org паведамілі ў прэс-службе МНС.
«Па прыбыцці да месца выкліку было выяўлена, што на полі паблізу вёскі Альшаннікі-2 адбылося падзенне лёгкаматорнага самалёта невядомай канструкцыі. У самалёце быў заблакаваны лётчык. Паводле папярэдняй інфармацыі, мужчына - кіраўнік авіягуртка ДУА «Цэнтр дзіцячай творчасці Прамень горада Шклова», - гаворыцца ў паведамленні.
Работнікамі МНС з дапамогай гідраўлічнай аварыйна-выратавальнай прылады пацярпелы быў выратаваны, дэблакаваны і перададзены работнікам хуткай медыцынскай дапамогі для шпіталізацыі. Прычына падзення высвятляецца.