Кіраўнік Мінфіна Нямеччыны не выключае выхаду Грэцыі з еўразоны

Шойбле адзначыў, што, на ягоную думку, калапс банкаўскай сістэмы Грэцыі не мае пагрозы для фінансавых інстытутаў іншых еўрапейскіх краін.

Міністр фінансаў Нямеччыны Вольфганг Шойбле не выключае, што Грэцыя можа выйсці з еўразоны, аднак гэта не развяжа яе праблем.

Такое меркаванне ён выказаў у інтэрв'ю газеце Bild, піша "Еўрапейская праўда".

"З еўра або без яго: на гэтае пытанне павінны даць адказ самі грэкі. Аднак калі яны застануцца, мы не пакінем народ Грэцыі на волю лёсу", - адзначыў Шойбле.

У той жа час ён падкрэсліў, што краіны еўразоны павінны строга выконваць правілы манетарнага звязу.

"Супольнасць можа функцыянаваць толькі ў тым выпадку, калі яе чальцы пільнуюцца правілаў", - адзначыў ён, нагадаўшы, што Нямеччына і Францыя ў 2003 годзе ўжо парушалі правілы, і не да чаго добрага гэта не прывяло.

Шойбле адзначыў, што, на ягоную думку, калапс банкаўскай сістэмы Грэцыі не мае пагрозы для фінансавых інстытутаў іншых еўрапейскіх краін.

"Нават калі і дойдзе да краху асобных банкаў, пагроза эфекту даміно нязначная", - мяркуе міністр.

Паводле ягоных слоў, "рынкі ў мінулыя дні вельмі стрымана адрэагавалі на падзеі ў Грэцыі". "Гэта паказвае, што з праблемай можна справіцца", - упэўнены Шойбле.

Як паведамлялася, 3 ліпеня Грэцыю афіцыйна прызналі неплатаздольнай. У нядзелю ў краіне павінен прайсці рэферэндум, на якім грэкі павінны вызначыцца, ці падтрымліваюць яны прапановы крэдытораў.