Андрэй Касціцын: Раблю ўсё, што ад мяне залежыць, каб вярнуцца ў НХЛ
3- 5.07.2015, 11:23
- 5,274
Беларускі нападнік гатовы вярнуцца ў НХЛ і адкрыты для прапаноў ад любога клуба з вядучай лігі свету.
Пра гэта Андрэй Касціцын сказаў у каментары sportsnet.
"Я гатовы вярнуцца ў НХЛ. Калі я зноў траплю ў НХЛ - гэта будзе гэтак жа выдатна, як у першы раз. Я раблю ўсё, што ад мяне залежыць. Я вельмі шмат трэніруюся і старанна працую. Калі ў мяне атрымаецца трапіць за акіян, я буду старацца закідваць як мага больш - я ведаю, што ўмею гэта рабіць.
Мне падабаецца заакіянскі стыль гульні. На маленькіх пляцоўках куды больш шанцаў закінуць шайбу. Я адкрыты для любой каманды. І я думаю, што магу дапамагчы любому клубу", - паведаміў Андрэй Касціцын.