Вікторыя Азаранка: Раблю ўсё магчымае для таго, каб выйграць «Уімблдон»

Выйграць «Уімблдон» - адна з мэтаў беларускай тэнісісткі.

Пра гэта Вікторыя Азаранка паведаміла пасля пераможнай гульні ў трэцім раўндзе турніру супраць францужанкі Крысціны Младзенавіч, піша «Прессбол» са спасылкай на Ubitennis.com.

«Травяное пакрыццё не ў ідэальным стане, але агулам корты мяняюцца кожны год, яны становяцца больш павольнымі. Але мы чакаем, што арганізатарамі будзе прымацца пад увагу той тэніс, у які мы зараз гуляем з абменам вялікай колькасцю ўдараў. Але ў цэлым корты нядрэнныя, галоўнае - не слізкія.

А наогул «Уімблдон» - гэта мара ўсіх тэнісістаў. Асабліва, калі ты сталееш, думаеш пра тое, што прыедзеш на «Уімблдон» і згуляеш там - гэта вялікая мара. Я яшчэ не выйграла «Уімблдон», гэта адна з маіх мэтаў, і я стараюся рабіць як мага больш для яе дасягнення», - паведаміла Вікторыя Азаранка.