Улады ў Жодзіне зноў забаранілі Купалле
26- 7.07.2015, 21:12
- 10,093
Як на загад чыноўніка ў Жодзіна адміністрацыйнымі метадамі метадычна знішчаецца старажытная беларускі традыцыя.
Каму ў горадзе БелАЗаў гэта трэба?
Са спасылкай на "горкі досвед" таго, што "апошнія некалькі гадоў" свята ў Жодзіне нібыта зводзілася да "банальную папойку" з "шматлікімі правапарушэннямі" і "непадпарадкаваннем законным патрабаванням супрацоўнікаў міліцыі"... у Жодзіне чарговым разам (другі год запар) забаранілі святкаваць Купалле, паведамляе "Радыё Рацыя".
Прыніжаючы самое народнае свята і называючы яго са здзекам у грэблівым кантэксце "купальскімі ночкамі", афіцыйная газета гарвыканкама "Жодзінскія Навіны" звяртае ўвагу аж на нейкія "масавыя беспарадкі", а таксама на "непрыемны фуз" пасля свята, наракае на тое, што пра "стан гарадскога пляжа", як высвятляецца, гарадскія "камунальныя службы" на наступны дзень "і ўспамінаць не хочуць".
Вось і атрымліваецца, што раней у гэтай справе ўсё было значна лепш. А вось толькі "апошнія некалькі гадоў" здарылася такая бяда - для правядзення купальскага народнага свята варункаў у Жодзіне не стала.