На Трактарным заводзе ў Менску адбыўся пажар

МНС пацвердзілі ўзгаранне, аднак адмовіліся паведаміць падрабязнасці.

У кірунку Трактарнага завода былі заўважаныя пажарныя машыны. Пра гэта сайту charter97.org паведаміў чытач.

«Пажар на трактарным заводзе. Імчаліся пажарнікі. Не ведаю, патушылі ўжо або яшчэ не», - напісаў ён.

Сайт charter97.org звярнуўся па каментар у прэс-службу МНС.

«Узгаранне было. Падрабязнасцяў пакуль паведаміць не можам. Але нічога сур'ёзнага», - пракаментаваў праз тэлефон інцыдэнт прэс-сакратар МНС.