28 сакавiка 2024, Чацвер, 17:18
Падтрымайце
сайт
Сім сім,
Хартыя 97!
Рубрыкі

«Неба для Статкевіча»: стартавала новая акцыя салідарнасці з палітвязнем

10
«Неба для Статкевіча»: стартавала новая акцыя салідарнасці з палітвязнем
МІКАЛАЙ СТАТКЕВІЧ
ФОТА: AFP

12 жніўня беларускі палітвязень Мікалай Статкевіч адзначае свой Дзень народзінаў за кратамі.

Праваабаронцы і актывісты пачалі новую акцыю салідарнасці з палітвязнем #Sky4Statkievich, піша ПЦ «Вясна».

«Чарговы Дзень нараджэння ў турме, у адзіночнай камеры. Ён не бачыць ні неба, ні хмар, ні сонца, ні дрэў, не чуе спеваў птушак.

У сувязі з гэтым, шэраг недзяржаўных арганізацыяў разам са сваякамі палітвязняў праводзяць акцыю салідарнасці з Мікалаем Статкевічам - #Sky4Statkievich.

Якім чынам прыняць удзел?

Зрабіце фота неба, хмаркі, сонейка, дрэва і апублікуйце яго ў сацыяльных сетках - Facebook, Twitter, Instagram, паставіўшы спецыяльны хэштэг # Sky4Statkievich і спасылку на петыцыю з патрабаваннем вызвалення Мікалая Статкевіча: change.org/FreeStatkevich

Падпішыце петыцыю, створаную Марынай Адамовіч, жонкай палітвязня, і патрабуйце яго вызвалення: change.org/FreeStatkevich

Апублікуйце інфармацыю аб гэтай акцыі на сваёй старонцы ў сацыяльных сетках https://www.facebook.com/events/996661337044717/

Не забывайце: салідарнасць мацнейшая за рэпрэсіі!» - гаворыцца ў паведамленні.

Нагадаем, кандыдат у прэзідэнты Беларусі на выбарах 2010 года Мікалай Статкевіч быў асуджаны на 6 гадоў калоніі ўзмоцненага рэжыму за арганізацыю масавых беспарадкаў. Міжнародная праваабарончая арганізацыя Amnesty International прызнала Статкевіча вязнем сумлення. На вызваленне апазіцыйнага палітыка настойваюць Еўразвяз і ЗША.

Напісаць каментар 10

Таксама сачыце за акаўнтамі Charter97.org у сацыяльных сетках